“Mançester Ýunaýted” baş tälimçi Erik Ten Hag bilen şertnamany uzaltdy. Bu barada futbol klubunyň saýtynda habar berilýär. Şertnama 2026-njy ýylyň tomsuna çenli hereket eder.
“Men klub bilen bilelikde işlemegi dowam etdirmek barada ylalaşyk gazanylandygyna begenýärin. Biz kluba gelenimden bäri gazanylan iki kubogy we ösüşiň köp mysallaryny buýsanç bilen ýatlap bileris. Ýöne biz öňde “Mançester Ýunaýtedden” garaşylýan derejä ýetmek üçin agyr işleriň köpdügine-de düşünmeli, bu Angliýada we Ýewropada titullar ugrunda göreşmegi aňladýar” – diýip, Ten Hag aýtdy.
Ten Hag bu klubda 2022-nji ýylyň tomsundan bäri işleýär. 2023/24-möwsümini topar Angliýanyň çempionatynyň ýaryş jedwelinde sekizinji orunda tamamlady, bu klubuň 1990-njy ýyldan bäri iň ýaramaz netijesidir. Mundan öň hünärmen Niderlandlaryň “Gou Ehed Iglz”, “Utreht” we “Aýaks” toparlaryna, şeýle-de nemes “Bawariýasynyň” farm-klubuna halypa boldy.
