Xiaomi 2024-nji ýylyň iýun aýynda SU7 elektrik ulaglarynyň üpjünçiliginiň 10 000 birlikden geçendigini resmi taýdan tassyklady. Kompaniýa bu görkezijini iýul aýynda hem saklamagy wada berdi diýip, IXBT ýazýar.
Deňeşdirmek üçin, maý aýynda 8 630 Xiaomi awtoulagy, aprel aýynda bolsa 7 058 awtoulag iberildi. Öň kompaniýa iýun aýynda awtoulaglaryň önümçiliginiň iki çalşykda alnyp baryljakdygyny, aýlyk önümçiligiň mukdarynyň bolsa 10 000 awtoulagdan geçmelidigini habar beripdi. Uzak möhletli geljekde Xiaomi Motors şu ýyl 100 000 awtoulag, indiki ýyldan başlap bolsa 120 000 awtoulag derejesine ýetmegi wada berýär.
28-nji iýunda Xiaomi täze mahabat işine başlady, oňa görä awtoulag sargyt eden we 3 aýdan gowrak garaşan ulanyjylar Xiaomi Auto-dan sowgat alarlar. Jikme-jiklikleri takyk aýdylmady.
