Samsung gadjetleriň ekosistemasyna goşant goşjak akylly ýüzük bolan Galaxy Ring-i çykarmaga taýynlanýar. Samsung Health programmasynyň iň soňky wersiýasyny öwrenmek bilen, höwesjeňler täze önümde haýsy funksiýalaryň boljakdygyny bildiler. Gadjetiň çykjak gününe çenli ulanyjylaryň köpüsinde gurulmagy üçin kompaniýa täzelenmäni öňünden goýbermäge karar beren bolmagy ähtimal diýip, TechRadar ýazýar.
Maglumatlara görä, ýüzük ýürek urgusyny, stress derejesini, ukyny, bedeniň temperaturasyny yzarlaýar. Şeýle hem, Galaxy Ring uky wagtynda horlamany we agyr dem almagy yzarlap bilýär.
Samsung-yň akylly sagatlaryndan tapawutlylykda, Galaxy Ring batareýasynyň kuwwatlylygynyň çäkliligi sebäpli ýürek urgusyna we stresse üznüksiz gözegçilik etmek funksiýasy bilen üpjün edilmejekdigini bellemelidiris.
Ykjamlygyna garamazdan, Galaxy Ring ýüzügi düýbünden özbaşdak ulanyp bolmaz. Onda ekranyň we dolandyryşyň ýok bolmagy, smartfonyň bolmagyny talap edýär.
Hünärmenler ulanyjylaryň köpüsi üçin Galaxy Ring adaty akylly sagatlardan we fitnes bileziklerinden artykmaçlygy bolmazdan stile laýyk aksessuar bolup galar diýip, hasaplaýarlar.
