SpaceX-iň we Tesla-nyň başlygy, planetanyň iň baý adamlaryndan biri Ilon Mask özüniň X sosial ulgamynda halaýan audiokitaplarynyň sanawyny paýlaşdy. Sanaw, esasan, taryh we syýasat bilen baglanyşykly 11 eserden ybarat.
Maskyň teklip edenleriniň arasynda şu aşakdakylar bar:
- Uill we Ariel Dýurant - “Siwilizasiýanyň taryhy” (“История цивилизации”) (11 tomdan ybarat);
- Gomer - "Iliada";
- Fridrih fon Haýek - “Gulçulyga barýan ýoly” (“Дорога к рабству”);
- Uilýam Mançester - "Amerikaly Sezar: Duglas Makartur, 1880-1964";
- Dewid Kuşner - “Doom-yň hökümdarlary” (“Властелины Doom”);
- Adam Tuz - "Ýykgynçylyk üçin töleg: Nasistik ykdysadyýetiň döredilişi we ýykylyşy" (“Плата за разрушение: создание и разрушение нацистской экономики”);
- Ernst Ýunger - “Polat tupanlarynda” (“В стальных грозах”);
- Barbara Takman - "Awgust toplary" (“Августовские пушки”);
- Gaý Ýuliý Sezar - “Gal söweşi barada bellikler” (“Записки о Галльской войне”);
- Uilýam Bolito - "Taňrylara garşy on iki" (“Двенадцать против богов”);
- Jek Uezerford – “Çingiz han”.
"Elbetde, bu sanaw Rim hakda her gün pikir edýänleri özüne çeker" - diýip, Mask meşhur internet memine kakdyryp degişdi.
“Hakyky elhençlikleriň” goýnuna çümmek isleýänler üçin Saýmon Sebag Montefioreniň “Gyzyl monarhyň howlusy. Staliniň häkimiýet başyna geçişi” atly kitaby okamagy maslahat berdi.
