Apple 2025-nji ýyla çenli Ýewropa Bileleşiginiň elektronikany abatlaýyş işlerini gowulandyrmaga gönükdirilen täze düzgünlerine laýyklykda iPhone batareýalarynyň çalşyrylmagyny aňsatlaşdyrmagy meýilleşdirýär.
Hususan-da, täze düzgünler ähli telefon batareýalarynyň 2025-nji ýyla çenli ulanyjy tarapyndan çalşyrylyp bilinmegini talap edýärler. Muňa laýyklykda kompaniýa batareýany çalyşmak işini has aňsat we elýeterli etjek täze tehnologiýany ösdürýär. Ol iPhone 16 modellerinde ilkinji gezek satuwa çykarylar. 2025-nji ýyla çenli bolsa ol iPhone 17 modelleriniň ählisinde elýeterli bolar diýlip garaşylýar.
Häzirki wagtda batareýa ýelim zolaklarynyň kömegi bilen korpusa dakylýar. Geljekde batareýa sähel elektrik toguny alandan soň ony ýerinden çykarjak demir korpusa dakylar. Bu tehnologiýa "elektrik öjükdirme" diýilýär.
Şeýle-de bolsa, entek meýilleşdirilýän aýryp bolýan gapagyň ýoklugy sebäpli batareýa ýetmek aňsat bolmaz.
Apple prosessiň çylşyrymlylygyny we bolup biljek töwekgelçilikleri göz öňünde tutup, batareýalary çalyşmakda professionallara ýüz tutmagy maslahat bermäge dowam eder.
Gyzykly ýeri, enjamlaryň 500 gezek doly zarýaddan soň 83% we 1000 gezek zarýaddan soň 80% kuwwatlylygy saklamak ýaly käbir kriteriýalara laýyk gelmegi bilen, Apple talaplary ýerine ýetirmekden boşadylyp bilner.
