NBCUniversal köpçülikleýin habar beriş serişdeleri kompaniýasy we Peacock akym hyzmaty Pariždäki Olimpiýa oýunlarynyň esasy wakalaryny beýan etjek Your Daily Olympic Recap on Peacock atly täze programmany döreder. Programmanyň tapawutly aýratynlygy sport wakalaryna amerikaly meşhur teswirçi El Maýklsyň sesi bilen teswir berjek neýroulgamyň ulanylmagy bolar diýip, NBC News teleýaýlymy habar berdi.
Bu Olimpiýa oýunlaryna teswir bermekde emeli aňyň ilkinji gezek ulanylyşydyr.
Bu programma Maýklsyň äheňine öýkünmek bilen, jümleleriň, takmynan, ýedi million görnüşini döreder. Kompaniýalar muňa akym platformalarynyň ösüşinde täze ädim hökmünde garaýarlar.
Maýkls Amerikanyň Vanity Fair žurnalyna beren interwýusynda ilki bu pikire şübheli garandygyny, ýöne soňra tehnologiýa haýran galandygyny aýtdy.
Teswirçi: “Dogrymy aýtsam, bu täsin, ajaýyp hem birneme gorkunç. Ses meniňkä diňe bir golaý bolmak bilen çäklenmän, ol idealdan 2% pes diýen ýalydy"-diýdi.
Pariždäki Olimpiýa oýunlary 26-njy iýuldan 11-nji awgusta çenli aralykda geçiriler.
