Apple kompaniýasy üç gajetini wintaž gurluşlaryň hataryna goşdy. Bu barada MacRumors portaly habar berýär.
Wintaž gurluşlaryň sanawyna iPhone X, birinji nesil AirPods we birinji nesil HomePod girdi.
2017-nji ýylyň iPhone X gurluşy kompaniýanyň Touch ID düwmesini ýitiren ilkinji çarçuwasyz smartfony boldy. Şondan bäri flagman iPhone modellerinde Face ID 3D-ýüzi skanirleme sistemasy ulanylýar. 2016-njy ýylyň AirPods-y Apple-iň ilkinji TWS nauşnikleri boldy. 2017-nji ýylda hödürlenen birinji nesil HomePod kolonkasy bolsa akylly öýi dolandyrmak mümkinçiligine eýe bolan akustiki sistemady.
Wintaž statusynyň berilmegi bu gurluşlaryň işleýşine täsirini ýetirmez, ýöne kompaniýanyň resmi hyzmat merkezi zerur ätiýaçlyk şaýlary bolmasa, gurluşlary bejermekden ýüz öwrüp biler. Geljekde bu gajetler könelişenleriň hataryna goşular. Apple gurluşy soňky resmi satuwyndan ýedi ýyl geçensoň könelişen diýip ykrar edýär. Şondan soň kompaniýanyň hyzmat merkezleri şeýle gurluşy bejermekden ýa-da başga hyzmatlary hödürlemekden ýüz öwürýär.
