Angliýanyň “Mançester Ýunaýted” futbol kluby 2024/2025-möwsümi üçin adidas-dan täze öý egin-eşigini resmi taýdan hödürledi. Klub onuň suratlaryny X sosial ulgamyndaky sahypasynda paýlaşdy.
Täze eşik formasyny görkezýän suratda “Ýunaýtediň” oýunçylary ýarym goragçy Alehandro Garnaçonyň “West Hem Ýunaýtediň” derwezesine girizen golunyň baýram edip bellenilişini gaýtadan şekillendirdiler. Bu obraz geçen möwsümiň nyşany boldy, bu möwsümi topar Angliýanyň Premýer-ligasynda sekizinji orunda tamamlapdy.
“MÝ” Çempionlar ligasyna gatnaşyp bilmedi, ýöne Angliýanyň Kubogynda finalda “Mançester Sitini” utmak bilen gazanan ýeňşini baýram etdi.
Toparyň täze eşik formasy klubuň adaty reňklerinde – gyzyl we ak reňklerde ýerine ýetirildi.
