Ýakyn ýyllarda iş ýerleriniň 50%-ni azaltmagy maksat edinýän Apple iPhone ýygnaýan zawodlarynda giň gerimli awtomatlaşdyrma işlerini geçirýär.
The Information neşiri bu kararyň 2022-nji ýylyň ahyrynda Hytaýda pandemiýa wagtynda karantin sebäpli önümçilikde ýüze çykan näsazlyklardan soň kabul edilendigini ýazýar.
Apple iPhone 15-iň önümçiliginde eýýäm ep-esli awtomatlaşdyryşa sebäp bolan gymmat bahaly awtomatlaşdyryş taslamalaryna maýa goýdy. Emma bu prosesde kynçylyklar hem ýok däl.
Awtomatlaşdyrylan işleriň käbiri hil meselesi bilen bagly gijikdirilmeli boldy we robotlar hemme ýagdaýda adamyň ornuny tutup bilmeýärler. iPhone 16 seriýasynyň önümçiliginde “kemçilikleriň göteriminiň ýokarydygy” bellendi.
“Bu ýyl Apple iPhone-nyň düwmelerini, kabul edijisini, dinamikini we esasy enelik platasyny gurnamakda maşynlary ulanmak bilen, awtomatlaşdyrmakdaky käbir üstünliklerini ösdürmäge synanyşdy. Emma maşynlar käbir bölekleri bolmalysy ýaly berkidip bilmedi "-diýip, The Information belleýär.
Bu kynçylyklara garamazdan, Apple iPhone-nyň önümçiliginiň käbir bölegini Hindistan, Wýetnam we Tailand ýaly Günorta-Gündogar Aziýa ýurtlaryna geçirmäge mümkinçilik berýän awtomatlaşdyrmak işini dowam etdirmekçi bolýar.
