Astroscale kompaniýasy tarapyndan kosmos giňişligini arassalamak üçin döredilen ADRAS-J ýapon emeli hemrasy, 50 m uzaklykda 11 m uzynlykdaky H-2A raketasyna üstünlikli ýakynlaşdy. Kosmos galyndylaryny ýok etmäge taýýarlygyň çäklerinde geçirilen operasiýa obýektiň ýokary hilli suratlaryny almaga mümkinçilik berdi diýip, TASS ýazýar.
Aprel aýynda hemra eýýäm birnäçe ýüz metr ýakynlaşypdy. Indi, aralygy üstünlikli azaldandan soň, ADRAS-J oňa birnäçe metre ýakynlaşyp, aýlanmaly we jikme-jik maglumat ýygnamaly.
Geljekde Astroscale uly kosmos galyndylaryny ele almak we ýok etmek tehnologiýalaryny täjirçilik esasda ösdürmegi we synagdan geçirmegi meýilleşdirýär. Roskosmosyň berýän maglumatyna görä, Ýeriň golaýyndaky orbitalarda 1 sm-den uly kosmiki obýektleriň sany eýýäm 1 milliondan geçýär we 2030-njy ýyla çenli 1,5 esse artar, bu kosmos gämileriniň kadaly işlemegine howp salýar.
