Apple kompaniýasy Aziýanyň dört ýurdunda – Hytaýda, Ýaponiýada, Singapurda we Gonkongda Vision Pro garniturasynyň satuwynyň başlanandygyny mälim etdi. 2024-nji ýylyň fewral aýynda ABŞ-da ilkinji gezek çykaly bäri bu gurluş diňe amerikaly alyjylar üçin elýeterlidi.
Aziýada satuwa goýberilmeginiň öňüsyrasynda Apple öz dükanlaryny ýörite görkeziş zolaklary bilen üpjün etdi, bu ýerde potensial müşderiler garnitura bilen tanşyp, hünärmenlerden maslahat alyp bilýärler.
Belläp geçsek, kompaniýa Vision Pro-nyň programma üpjünçiligini ýerli bazarlara laýyklaşdyrdy. Mysal üçin, hytaýly ulanyjylar üçin TikTok-yň analogy – ByteDance-den Douyin programmasy işlenip taýýarlandy.
Aziýa ýurtlaryndan başga-da, 28-nji iýunda Germaniýada, Fransiýada, Awstraliýada, Beýik Britaniýada we Kanadada Vision Pro üçin deslapky sargytlar kabul edilip başlandy. 12-nji iýuldan başlap garnitura bu ýurtlarda satyn almak üçin elýeterli bolar.
