Samsung flagmanlarynyň indiki nesli ulanmak üçin has rahat bolar: Ice Universe-iň insaýderi Galaxy S25 Ultra-nyň korpusynyň gyralarynyň aýlaw boljakdygyny habar berdi.
Dizaýnyň üýtgedilmegi Ultra hatarynyň adaty burçlary ýiti bolan gönüburçly görnüşinden daşlaşmasy bolar. Täze önüm eliňde saklamak üçin amatly bolar.
Dizaýnyň üýtgedilmeginden başga-da, Galaxy S25 Ultra-a 200 megapiksellik kamera, 50, 50 (3x optiki ýakynlaşdyrma) we 50 (5x optiki ýakynlaşdyrma) megapiksel, 3 nanometrlik bir kristallyk ulgam (Snapdragon 8 Gen 4), stereodinamika, tozandan we suwdan goranyş degişli edilýär.
Smartfonyň premýerasyna, beýleki modellerde bolşy ýaly, 2025-nji ýylyň başynda garaşylýar.
Ice Universe ygtybarly maglumat çeşmesi hökmünde abraýa eýedir. Ondan öň şaglawuk ekranly smartfonlarynyň trendini, iPhone X we iPhone 14-üň täze dizaýnyny we Samsung-yň 200 megapiksellik surat görkezijisini dogry çaklapdy. Täze önümler baradaky maglumatlaryň Günorta Koreýa ägirdiniň gözleg we işläp düzmek bölümindäki çeşmelerden syzdyrylýandygy bellenip geçilýär.
