Iri ses ýazgy kopmaniýalary emeli aň aýdymlaryny döredijiler bolan Suno we Udio-ny awtorlyk hukuklaryny bozmakda aýyplap, kazyýete berdiler. Amerikanyň ses ýazgy senagaty assosiasiýasy (RIAA) tarapyndan berlen kazyýet işine Sony Music Entertainment, Universal Music Group Recordings we Warner Records gatnaşýarlar.
Suno AI-a garşy kazyýet işi Boston şäheriniň federal kazyýetinde, beýlekisi bolsa Nýu-Ýork kazyýetinde Udio AI-ny dörediji Uncharted Labs-a garşy gozgaldy. Ses ýazgy kompaniýalary Suno we Udio-nyň programma üpjünçiliginiň aýdym-saz ogurlaýandygyny we şoňa meňzeş aýdymlary rugsatsyz döredýändigini nygtaýarlar. Olar her aýdym üçin 150 müň dollar öwez tölegini talap edýärler.
Geçen ýyl öz önümini çykaran Suno AI, aprel aýynda işe başlan Microsoft Udio bilen hyzmatdaşlyk edip, ony amerikan prodýuseri Metro Boomin wirus parodiýasyny döretmek üçin ulanandan soň meşhurlyga eýe boldy.
Suno AI tehnologiýasynyň özboluşly eserleri döredýändigini we ulanyjylaryna aýdymyň ýerine ýetirijisi bilen aragatnaşyga rugsat bermeýändigini aýdýar. RIAA aýdym-saz pudagynyň emeli aň döredijileri bilen hyzmatdaşlyk etmäge taýýardygyny aýtdy, ýöne "artistleriň döredijilik işini ogurlaýan ygtyýarnamasyz hyzmatlar, dogruçyl emeli aňyň ösmegine päsgel berýär".
