2025-nji ýylda Golliwudyň meşhur Şöhrat bagýodasynda 30-dan gowrak täze ýyldyz peýda bolar. Olaryň arasynda aktýorlar Kolin Farrell, Jessika Çesteýin we Jeýn Fonda, Green Da we Depeche Mode aýdym-saz toparlary, şeýle hem futbolçy Dewid Bekhem bolar diýip, Variety habar berýär.
Film kategoriýasynda režissýor Jon Karpenteriň hyzmaty hem bellendi.
Telewideniýede, beýlekiler bilen bir hatarda, “Günorta seýilgäh” (“Южный Парк”) filmini döredijiler Treý Parker bilen Mett Stoun hem ýyldyz alar.
“Sport güýmenjeleri” nominasiýasynda, Dewid Bekhemden başga-da, beýsbolçy Orel Herşaýser hem ýyldyz alar.
“Ses ýazgysy” kategoriýasynda ýyldyz WAR, Los Bukis, The B-52s, The Isley Brothers toparlaryna, şeýle-de, ýerine ýetirijiler Basta Ramsa, Jorj Streýte, Fantaziýa Barrino we Kit Urban-a berler. Aradan çykan Prinsiň hormatyna hem ýyldyz goýlar.
“Teatr / Janly ýerine ýetirişde”-n ýyldyzy Misti Kouplend we Alan Kamming alar.
Saýlaw komitetiniň başlygy Piter Rot baýrak eýeleriniň hersiniň “öz ugurlarynda kämilligiň düýp özenini görkezýändigini” aýtdy. Ýyldyz gowşurylyş dabaralary iki ýyldan gowrak wagt dowam eder.
