Ýewro-2024: Italiýa soňky sekuntlarda Horwatiýa bilen deňleşip, pleý-off-a çykdy

  • 25.06.2024 13:49
  • 9.3k+

Leýpsigde Ýewro-2024-üň toparlaýyn tapgyrynyň Italiýa bilen Horwatiýanyň arasynda üçünji tapgyr oýny geçirildi. Duşuşyk diýseň täsirli boldy we deňme-deň – 1:1 hasabynda tamamlandy.

Oýnuň birinji ýarymynda italiýalylar artykmaçlyga eýe boldular, ýöne gol girizip bilmediler. 53-nji minutda horwatiýalylar garşydaş toparyň jerime meýdançasynda top Dawide Fratteziniň eline degenden soň penalti gazandylar. Horwatiýa toparynyň kapitany Luka Modriç on bir metrden urgyny geçirip bilmedi, Janluiji Donnarumma toparyny halas etdi, ýöne horwatiýalylar hüjümi dowam etdirdiler we 32 sekuntdan soň Modriç gol girizmegi başardy.
Şeýlelikde, Luka Modriç 38 ýyl 289 gün ýaşynda Ýewropa çempionatlarynyň taryhynda iň uly ýaşly gol geçiren futbolçy boldy, ol 38 ýyl 257 gün ýaşynda Ýewro-2008-de Polşanyň milli ýygyndysynyň derwezesine tarap penaltini geçiren awstriýaly Iwisa Wastiçiň rekordyny täzeledi.
Modriçiň golundan soň, italiýalylar has tijendiler, ýöne soňky minuta çenli gol girizip bilmediler. Diňe duşuşygyň soňky – sekizinji goşmaça minutynda Mattia Dzakkaniniň goly bilen hasaby deňlemek başartdy.
Deňme-deňlik Italiýa dört utuk bilen B toparçada ikinji orundan pleý-offa çykmaga mümkinçilik berdi. 1/8 finalda topar 29-njy iýunda Şweýsariýanyň milli ýygyndysy bilen duşuşar.
Horwatiýa iki utuk gazandy, ýöne toparçadan üçünji orundan çykmak mümkinçiligi heniz bar we ol toparlaýyn tapgyrdan soňky ýagdaýa bagly bolar.
B toparçanyň beýleki bir oýnunda Ispaniýanyň milli ýygyndysy Albaniýany 1:0 hasabynda utdy. Duşuşyk Dýusseldorfda geçirildi. Ýeke-täk goly 13-nji minutda Ferran Torres girizdi.
Ispaniýanyň milli ýygyndysy başlangyç düzümde geçenki oýny ätiýaçdaky düzümde başlan 10 oýunçyny oýna çykardy. Emerik Lýaport Italiýa garşy oýnan we Albaniýa bilen oýunda başlangyç düzümde çykan ýeke-täk oýunçy boldy.
Ispaniýa dokuz utuk bilen toparçada birinji orny eýeledi we 1/8 finalda toparçalarda üçünji orunlary eýelän toparlaryň biri bilen oýnar. Albaniýanyň milli ýygyndysy bir utuk gazandy we ýaryşy terk edýär.
1/8 finalda Ispaniýa 30-njy iýunda Kýolnda toparçada üçünji orny eýelän dört toparyň biri bilen oýnar.


düýn 17:52
3.3k+

“Altyn Asyr” AFK-nyň Çagyryş ligasynda “Abdyş-Atany” utdy

“Altyn Asyr” futbol kluby AFK-nyň Çagyryş ligasynyň toparlaýyn tapgyryna şowly başlady. Ol ilkinji oýunda “Abdyş-Ata” gyrgyz klubuny 1:0 hasabynda utdy. Oýun 25-nji oktýabrda geçirildi. Oýunda ýeke-täk goly 58-nji minutda Myrat Annaýew geçirdi...

düýn 17:29
5k+

2025-nji ýylyň dördünji “El-Klasikosy”: bu gezek üstünlik kimiň tarapynda bolar

Ýekşenbe güni agşam La Ligada güýzüň esasy oýny – Madridiň “Realy” bilen “Barselonanyň” arasynda nobatdaky “El-Klasiko” bolar. Toparlar diňe bir üç utuk gazanmak däl, eýsem biri-birinden ýene bir basgançak ýokary bolmak ugrunda bäsleşer...

24.10.2025 16:25
6.2k+

Ýewropa ligasynda we Konferensiýa ligasynda tapgyryň jemi: iň ýokary netijäni gazanan toparlar

2025/2026 möwsüminiň Ýewropa ligasynyň toparlaýyn tapgyrynyň üçünji oýunlary tamamlandy. Üç oýundan soň iň ýokary 9 utugy üç topar gazandy: «Midtýulland» (Daniýa), «Braga» (Portugaliýa) we «Lion» (Fransiýa). Tapgyryň esasy garaşylmadyk wakasy Italiýanyň «Roma» klubunyň ýeňlişi boldy...

24.10.2025 16:07
6k+

Messi “Inter Maýami” bilen şertnamany 2028-nji ýyla çenli uzaltdy

MLS-iň “Inter Maýami” kluby 38 ýaşly argentinaly hüjümçi Lionel Messi bilen şertnamanyň uzaldylandygyny habar berdi. X sosial ulgamynda klub wideo hödürledi. Onda Messi “Inter Maýaminiň” täze öý meýdançasy boljak gurulýan stadionda täze şertnama gol çekýär...