Dell Technologies kompaniýasy Ilon Maskyň xAI başlangyjy üçin superkompýuter döretmäge gatnaşýandygyny tassyklady. Kompaniýa "emeli aňyň fabrigine" öwrüljek we Grok modelini okatmak üçin ulanylar diýlip garaşylýan taslama üçin serwer söýeglerini eltip berýär diýip, Naked Science habar berýär.
Dell-iň baş direktory Maýkl Dell kompaniýanyň xAI we superkompýuteriň H100 çiplerini eltip berýän GPU öndürijisi Nvidia bilen hyzmatdaşlyk edýändigini aýtdy.
Mask mundan ozal Grok 2 modelini okatmak üçin, takmynan, 20 000 Nvidia H100 grafiki prosessorynyň gerek bolandygyny aýdypdy. Onuň sözlerine görä, Grok 3 we ondan soňky wersiýalar üçin bu çipleriň 100 000-i gerek bolar.
Reuters-iň berýän maglumatlaryna görä, superkompýuteri 2025-nji ýylyň güýzünde işe girizmek meýilleşdirilýär.
