Gadymy Müsür sarkofagynda “Simpsonlaryň” gahrymanyna meňzeş portret tapyldy

  • 21.06.2024 15:48
  • 25k+

3500 ýyl mundan ozalky Müsür mumiýasynyň sarkofagynyň içinde amerikan multserialy “Simpsonlaryň” personažlarynyň birine örän meňzeş bolan zenan portreti tapyldy. Bu barada The Archaelogist neşiri ýazýar.

Arheologlar ýokary ruhany Jehuti El-Aşmuneýniň gyzy Tadi Istiň mumiýalanan galyndylaryny saklaýan tabydy 2023-nji ýylda gazuw-agtaryş işleriniň dowamynda tapdylar. Mazar Täze patyşalygyň (biziň eýýamymyzdan öňki 1550 – 1069-njy ýyllar) ýokary wezipeli adamlarynyň we ruhanylarynyň jaýlanan gonamçylygynda tapyldy.
Mumiýa gowy ýagdaýda saklanypdyr. Onda maska we monjuk bilen bezelen köýnek bardy. Ýöne ylmy gözlegçileri başga bir zat, has dogrusy, tabydyň gapagynyň iç ýüzündäki surat haýran galdyrdy. Gapakda sary bedenli we gök saçy sütün ýaly ýokaryk galdyrylan bir zenan şekillendirilipdir. Ol “Simpsonlar” multserialyndan personaž Marj Simpsonyň keşbini ýada salýar.
Gadymy tabydyň suraty ýakynda Reddit-de ýerleşdirildi we ol sosial ulgamy ulanyjylaryň arasynda uly täsir galdyrdy.
Hünärmenler sarkofagyň gapagynda onda jaýlanan zenan şekillendirilendir diýip çaklaýarlar. Şeýle-de, çekilen şekil günüň 12 sagadyny alamatlandyrýan on iki ruhany bilen gurşalypdyr.
Sarkofagyň golaýynda XX neberäniň ahyryndan agaç tabyt bar, çen bilen, ol ýokary ruhany Jehutiniň aýdymçysy Nani atly zenana degişli bolmaly.


23.10.2025 18:07
8.4k+

Tutanhamonyň aramgähine jaýryklar we çyglylyk sebäpli ýumrulmak howpy abanýar

Müsüriň Patyşalar jülgesindäki ýaşy 3,3 müň ýyldan geçýän Tutanhamonyň aramgähine weýran bolmak howpy abanýar. Kair uniwersitetiniň alymlarynyň gözlegi desganyň içinde uly jaýryklaryň emele gelendigini we çyglylygyň derejesiniň ýokarlanýandygyny görkezdi...

07.10.2025 23:23
5.2k+

Müsürde 20 ýyldan soň faraon Amenhotep III-niň aramgähini dikeldiş işleri tamamlandy

Müsürde Luksoryň günbatar kenaryndaky Patyşalar jülgesinde faraon Amenhotep III-niň aramgähini dikeltmek işleri tamamlandy. Bu barada ýurduň syýahatçylyk we gadymy ýadygärlikler ministri Şerif Fathi habar berdi...

03.10.2025 09:29
13k+

Müsürli göreşiji 700 tonnalyk gämini dişi bilen süýşürdi

44 ýaşly müsürli göreşiji Aşraf Mahrus 700 tonnalyk gämä daňylan tanapy dişinde gysyp, ony 15 metr süýşürdi. Türgen bu üstünligi Ginnesiň rekordlar kitabyna girizmek üçin arza bermek isleýär diýip, NBC News habar berýär...

24.09.2025 10:48
4.8k+

Müsürde Kleopatranyň döwrüniň suw basan porty tapyldy

Müsürde Dominikan missiýasynyň arheologlary Kleopatranyň döwrüne degişli suw basan portuň yzlaryny tapdylar diýip, National Geographic habar berýär. Alymlar gazuw-agtaryş işleri wagtynda daş we metal labyrlary, gadymy amforalary we içerki portuň galyndylaryny tapdylar...