Dünýä çempiony, Ispaniýanyň milli ýygyndysynyň düzüminde iki gezek Ýewropa çempiony futbolçy Serhio Ramos ispan "Sewilýasyny" terk etdi. Bu barada klubuň X sosial ulgamyndaky resmi akkauntynda habar berilýär.
Ramos 38 ýaşynda. Ol 2023-nji ýylyň sentýabr aýynda erkin agent hökmünde "Sewilýa" gaýdyp gelip, birýyllyk şertnama baglaşdy. Öň KHBS goragçynyň karýerasyny Demirgazyk Amerikanyň MLS ligasynda dowam etdirip biljekdigini habar berdi.
"Sewilýa" Serhio Ramosa wepalylygy, liderlik häsiýetleri we yhlasy üçin minnetdarlyk bildirmek we mundan beýläkki karýerasynda üstünlik arzuw etmek isleýär" - diýlip, klubuň habarynda aýdylýar.
Ramos "Sewilýada" 2005-nji ýyla çenli çykyş etdi, soň Madridiň "Realyna" geçdi. Patyşalyk klubunyň düzüminde bäş gezek Ispaniýanyň çempiony, iki gezek Ispaniýanyň Kubogynyň eýesi, dört gezek Çempionlar ligasynyň, Klublaýyn dünýä çempionatynyň we Ispaniýanyň Super kubogynyň ýeňijisidir. Ol üç gezek UEFA-nyň Super kubogyny gazandy. 2021-2023-nji ýyllarda "PSŽ-de" çykyş edip, iki gezek Fransiýanyň çempiony boldy we Fransiýanyň Super kubogyny aldy.
