Köpleriň garaşýan Samsung Galaxy S24 FE smartfonynyň, insaýder Stiw Hemmerstoffer (OnLeaks) tarapyndan döredilen ýokary hilli renderleri sosial mediada peýda boldy diýip, IXBT habar berýär.
Çeşmäniň habar bermegine görä, Galaxy S24 FE 6,65 dýuýmly ekran we 162 x 77,3 x 8 mm göwrümli korpus alar. Smartfon 12 GB operatiw we 256 GB içerki ýat bilen üpjün ediler. Prosessorynyň Exynos 2400 bolmagyna garaşylýar, ýöne käbir bazarlarda onuň Snapdragon 8 Gen 3 çipsetli görnüşi elýeterli bolup biler.
Renderlerde Galaxy S24 FE ýaşyl reňkde görkezilýär.
OnLeaks smartfonlaryň ygtybarly renderlerini döretmekde uly tejribä eýedir. Olaryň arasynda Samsung Galaxy S21, Huawei Mate 40, Pixel 5, Sony Xperia XZ4, Google Pixel 4 XL we beýlekiler bar.
