Mersedes Türkiýede 1,5 litrlik hereketlendirili täze E-Class-y hödürledi diýip, Motor1 habar berýär.
Türkiýede awtoulaglara goýulýan salgyt gaty ýokary, şonuň üçin käbir brendler pes salgyt kategoriýalaryna düşmek üçin has uly modellerine kiçi hereketlendijileri oturtmaga mejbur bolýarlar.
Türkiýede ýörite sarp ediş salgydy (OTV) hereketlendirijiniň göwrümi 2,0 litrden ýokary bolsa, awtoulagyň başlangyç bahasynyň 220%-ine ýetip biler. Hereketlendirijisiniň göwrümi 1,6 litrden kiçi bolan täze awtoulaglar üçin OTV, bahasy 5600 dollardan geçmese, awtoulagyň bahasynyň 45% -inden başlaýar. Salgydyň stawkasy ulagyň esasy bahasyna görä kem-kemden ýokarlanýar we bahasy 8500 dollardan geçýän awtoulaglar üçin 80% -e ýetýär. Awtoulaglaryň köpüsi soňky kategoriýa girýändigi sebäpli, alyjylaryň hemmesi diýen ýaly öndürijiniň soraýan bahasynyň goşmaça 80% -ini çykarmaly bolýarlar.
Täze E-Class sedanyň başlangyç bahasy 63,400 dollar, ýöne OTV we goşulan baha üçin salgydy goşandan soň, bahasy 137 000 dollara çenli ýokarlanýar.
Hereketlendirijisiniň pesdigine garamazdan, ýumşak gibrid E-Class 168 at güýjüni öndürýär we 8,9 sekuntda sagatda 100 km tizlige çykýar. Awtoulagyň iň ýokary tizligi sagatda 225 km.
