Türkmen futbolçylary U20 we U17 Aziýanyň Kubogy – 2025-iň saýlama ýaryşyndaky garşydaşlaryny bildiler

  • 14.06.2024 16:48
  • 10k+

Kuala-Lumpurda (Malaýziýa) Aziýanyň Futbol Konfederasiýasynyň öýünde ýetginjekler we ýaşlar ýygyndylarynyň arasynda futbol boýunça Aziýanyň Kubogy – 2025-iň saýlama ýaryşynyň bije çekişligi boldy.  

 

Türkmenistanyň ýaşlar ýygyndysy (U20) Ýaponiýa, Gyrgyzystan we Mýanma bilen bilelikde “I” toparça girdi. Ýaryş 25 – 29-njy sentýabrda Bişkekde (Gyrgyzystan Respublikasynyň paýtagty) geçiriler.
Türkmen futbolçylary saýlama ýaryşyna 25-nji sentýabrda Ýaponiýa garşy oýun bilen başlarlar. Olar 27-nji sentýabrda Gyrgyzystan bilen oýnarlar, saýlama ýaryşyndaky çykyşy 29-njy sentýabrda Mýanma garşy oýun bilen tamamlarlar.

 

 

Türkmenistanyň ýetginjekler ýygyndysy (U17), öz gezeginde, “D” toparça düşdi, bu ýerde ol Tailandyň, Hindistanyň we Bruneýiň toparlary bilen bäsleşer. Toparlaýyn tapgyryň oýunlary 23 – 27-nji oktýabrda Tailandda geçiriler.
Ýygyndy Aziýanyň Kubogyna tarap ýoluny 23-nji oktýabrda Tailand bilen duşuşykdan başlar. 25-nji oktýabrda Hindistan bilen oýnar, saýlama ýaryşyny 27-nji oktýabrda Bruneýe garşy oýun bilen tamamlar.
Aziýanyň Kubogynyň (U20 we U17) final bölegine toparçalaryň ýeňijileri we ikinji orunlary eýelänleriň arasynda iň gowy bäş topar çykar.
Ýaşlaryň arasynda Aziýanyň Kubogynyň final tapgyryny Hytaý (2025-nji ýylyň 6 – 23-nji fewraly), ýetginjekler Kubogynyň final tapgyryny bolsa Saud Arabystany (2025-nji ýylyň 3 – 20-nji apreli) kabul eder.
Ýetginjekleriň arasynda Aziýanyň Kubogynyň (U17) final tapgyrynyň ýeňijileri 2025-nji ýylda Katarda geçiriljek 20-nji ýetginjekler dünýä Kubogynda Aziýa wekilçilik etmek hukugyny alarlar.
Bellenilişi ýaly, 2025-nji ýyldan 17 ýaşa çenli ýetginjekleriň arasynda dünýä çempionatynyň formaty üýtgär. Ýaryş 48 ýygyndynyň gatnaşmagynda her ýyl geçiriler. 2025-nji ýyldan 2029-njy ýyl aralygynda ýetginjekleriň arasynda dünýä birinjiliginiň indiki bäş ýaryşyny Katar kabul eder.


düýn 12:35
3k+

Angliýanyň milli zenanlar futbol ýygyndysy yzygider ikinji gezek Ýewropa çempionatyny utdy

Angliýanyň futbol boýunça milli zenanlar ýygyndysy yzygider ikinji gezek Ýewropa çempionatynda ýeňiji boldy. Bazelde geçen ýaryşyň finalynda iňlis topary häzirki dünýä çempiony bolan Ispaniýanyň toparyny utdy. Oýnuň esasy we goşmaça wagty 1:1 hasabynda tamamlandy, penalti tapgyrynda bolsa Angliýa has takyk boldy – 3:1...

27.07.2025 19:48
6.1k+

“Arsenal” 73,5 mln ýewro “Sportingden” Wiktor Dýokereşi satyn aldy

Londonyň “Arsenaly” Lissabonyň “Sporting” klubunyň hüjümçisi Wiktor Dýokereş bilen şertnama baglaşdy. Çeşmeleriň we Fabrisio Romanonyň maglumatlaryna görä, transfer mukdary 63,5 mln ýewro (goşmaça 10 mln bonus) boldy...

26.07.2025 17:04
4.6k+

Aşgabatdaky Kikboks we Boks zaly çagalar hem ýetginjekler üçin türgenleşikleri guraýar

Aşgabatda Olimpiýa şäherçesinde ýerleşýän Kikboks we Boks zaly 6 ýaşdan 18 ýaşa çenli çagalary hem ýetginjekleri sportuň kikboks we boks görnüşleri boýunça türgenleşiklere ýazylmaga çagyrýar. Sportuň bu görnüşleri boýunça ussat tälimçiler islendik çaganyň fiziki işjeňligini, tizligini we çydamlylygyny ýokarlanmaklaryna, beden taýýarlygyny taplamaklaryna, urgy tehnikalaryny özleşdirmeklerine ýardam ederler...

25.07.2025 17:05
18k+

Türkmenistandan Merdan we Şöhrat Toýlyýewler "Ýüpek ýoly - 2025" halkara rallisinde ýeňiş gazandylar

22-nji iýulda Gorno-Altaýsk (RF) şäherinde «Ýüpek ýoly» halkara rallisi tamamlandy. T2 seriýaly off-road ulaglarynyň ýaryşynda umumy hasap boýunça 214 belgide çykyş eden doganlar Merdan we Şöhrat Toýlyýewler ýeňiş gazandylar...