UFC-niň ýolbaşçysy Dana Uaýt Hamzat Çimaýewiň 22-nji iýunda geçiriljek ýaryşda awstraliýaly Robert Uittaker bilen söweşden aýrylýandygyny aýtdy. Munuň sebäbi söweşijiniň kesel sebäpli hassahana ýerleşdirilmegi boldy diýip, “Çempionat” portaly ýazýar.
“Gynansak-da, Hamzat Çimaýew Saud Arabystanynda indiki dynç günleri geçiriljek söweşden aýrylýar, ol syrkaw, şonuň üçin öýüne dolanýar, tiz wagtdan gutular diýip umyt edýärin” – diýip, Uaýt aýtdy.
Çimaýewiň deregine Uittaker bilen söweşe russiýaly Ikram Aliskerow çykar.
Ýatlap geçsek, Çimaýew garyşyk başa-baş söweşlerde 13 söweşde 13 ýeňiş gazandy, olardan altysyny möhletinden ir tamamlady. Geçen ýylyň oktýabr aýynda UFC 294-de geçen soňky söweşinde türgen Kamaru Usman bilen duşuşdy we ony emin agzalarynyň karary bilen ýeňdi.
