Ispaniýaly tennisçiler Rafael Nadal we Karlos Alkaras Parižde geçiriljek 2024-nji ýylyň Olimpiýa oýunlaryna gatnaşarlar. Bu barada Ispaniýanyň Tennis federasiýasy habar berdi. Türgenleriň ikisi-de hem ýekelikde, hem jübüt bolup çykyş ederler.
KHBS Nadalyň Olimpiada düýpli taýýarlyk görmek üçin 2024-nji ýylyň “Wimbledon” ýaryşyny sypdyrmak kararyna gelendigini habar berýärler. Oýunlar 26-njy iýuldan 11-nji awgust aralygynda geçiriler, “Wimbledon” bolsa 1 – 14-nji iýulda geçer.
38 ýaşly Nadal iki gezek Olimpiýa çempionydyr. Ol 2008-nji ýylda Pekinde geçirilen Olimpiýa oýunlarynda ýekelikde altyn medal gazandy, soňra Mark Lopes bilen bilelikde Rio-de-Žaneýroda geçirilen 2016-njy ýylyň Olimpiadasynda ýeňiji boldy.
20 ýaşly Alkaras ýakynda “Rolan Garrosyň” ýeňijisi boldy. Ol Pariždäki Oýunlarda “Uly Tuwulga” ýaryşlarynyň 22 gezek ýeňijisi Nadal bilen jübüt bolup çykyş etmek isländigini, ýöne ondan bu barada soramaga çekinendigini gürrüň berdi.
