Şwesiýanyň IKEA mebel kompaniýasy Roblox metaälemin-de ilkinji wirtual dükan bolan The Co-Worker Game-iň işe girizilendigini habar berdi. Dükan 2024-nji ýylyň 24-nji iýunynda hemmeler üçin gapylaryny açar.
IKEA wirtual dükanda işlemek üçin işgär gözleýär. Boş ýerler 3-nji iýundan 16-njy iýuna çenli açykdyr. Satyjy, maslahatçy, ýükçi we aşpez ýaly jemi 10 iş orun bar.
Wirtual IKEA-daky boş iş orunlaryna diňe Angliýanyň we Irlandiýanyň kämillik ýaşyna ýeten ýaşaýjylary ýüz tutup bilerler. Arzany ýörite sahypada goýup bolar.
Saýlanyp alnan dalaşgärlere dükanyň dürli bölümlerinden iş teklip edilýär. Olar beýleki ulanyjylara wirtual mebel saýlamaga kömek etmeli ýa-da firma frikadelkalaryny äbermeli. Iş tertibi çeýe, aýlyk - sagadyna 14,80 ýewro (8 sagatlyk çalşyk üçin 118 ýewrodan gowrak).
“Roblox-da tölegli iş hödürleýän ilkinji brend bolanymyza begenýäris. IKEA-da kesgitli karýera ýoly ýok. Işgärlerimiz orunlaryny çalşyp, bölümlerini üýtgedip, oýunda-da, hakyky dünýäde-de islendik ugurda ösüp bilerler "- diýip, IKEA-nyň ýurtlar we medeniýetler boýunça dolandyryjysy Darren Teýlor gürrüň berýär.
Roblox - bu 2006-njy ýylda goýberilen oýun we metaälem. Taslama häzirki wagtda PK-da, PS4-de, PS5-de, Xbox One-da, iOS-da we Android-de elýeterlidir. Her gün platformada 77 milliondan gowrak adam oýun oýnaýar, olaryň takmynan 60% -i 16 ýaşa ýetmedik ýetginjekler.
