Internet torunda “Paddington Peruwda” filminiň treýleri çykdy. Gürleýän aýyjyk baradaky filmiň üçünji bölümi 8-nji noýabrda prokata çykar.
Anons edilen maşgala komediýasynda aýyjyk Paddington Amazoniýada garry aýylar üçin öýde ýaşaýan daýzasy Lýusini görmek üçin özüni penalan Braunlar maşgalasy bilen bilelikde Peruwa ugraýar. Garaşylmadyk wakalardan doly gezelenç Paddington we Braunlar üçin hakyky başdangeçirmelere öwrülýär.
Filmiň režissýory özüniň mahabat işleri we klipleri bilen belli bolan Dugal Wilson boldy. Aktýorlar düzümine Ben Wişou, Hýu Bonnewill we Jim Brodbent dolanyp geldi, olara Emili Mortimer, Oliwiýa Kolman we Antonio Banderas hem goşuldy. Mortimer hanym Braunyň keşbinde ilkinji iki filmde oýnan Salli Hokinsi çalyşdy.
Ilkinji iki filmiň režissýory Pol King bu gezek prodýuser hökmünde çykyş etdi.
Belläp geçsek, Paddingtonyň wakalary çagalar edebiýatynyň klassyky eserleri hasaplanýan iňlis ýazyjysy Maýkl Bonduň kitaplaryna esaslanýar.
2014-nji we 2017-nji ýyllarda çykan Paddington baradaky ilkinji iki film dünýä prokatynda 500 million dollardan gowrak girdeji ýygnady.
