Bangkogyň demirgazygynda ýerleşen pilleriň Aýuthaýa köşgünde Jamjuri atly aziýaly ene pil iki sany sagdynja çaga pili dünýä inderdi.
Sişenbe güni Phys.org neşiri agramy 80 kilograma barabar bolan ilkinji çaga piliň 7-nji iýunda agşam doglandygyny habar berdi. On sekiz minutdan soň, agramy 60 kilogram bolan ikinji çaga pil dünýä inipdir.
Ekiz pilleriň dünýä inmeginiň seýrek hadysadygyny, ähtimallygynyň bir göterimden hem azdygyny bellemelidiris. Gynansagam, ekizleriň biri, köplenç, öli dogulýar ýa-da ýaşamaga ukyply däl bolup çykýar.
Täze doglan piljagazlar, bagtlaryna örän sagdynja we eýýäm ejesiniň duýgur gözegçiligi astynda dünýäni işjeň öwrenýär.
Bütindünýä ýabany tebigat gaznasynyň (WWF) hasabatyna görä, tebigatda saklanyp galan aziýa pilleriniň sany 8 000-11 000 aralygynda.
