Redmi K80 seriýasynyň bildiriş edilmeginiň öňüsyrasynda Xiaomi kompaniýasy ýene bir smartfony - Redmi K70 Ultra-ny çykarmaga taýynlanýar. Täze önüm 2407FRK8EC model belgisi bilen GSMA IMEI maglumatlar bazasynda göze ildi diýip, Gizmoçina ýazýar.
Belginiň soňundaky “C” harpyndan çen tutsaň, smartfon, öňküsi ýaly, diňe Hytaý bazary üçin niýetlenen bolsa gerek.
Redmi K70 Ultra-nyň dünýä bazarynda täzelenen Xiaomi 14T Pro hökmünde hödürlenmegine garaşylýar.
Insaýderleriň berýän maglumatlaryna görä, telefon MediaTek Dimensity 9300+ çipseti, 5500 mAh sygymly akkumulýator, 120W simli çalt zarýad bermek üçin goldaw, 24 GB-a çenli LPDDR5X RAM we 1 TB-a çenli UFS 4.0 fleş ýady bilen üpjün ediler.
Redmi K70 Ultra-da 1,5K OLED ekrany we IP68 goragy bolup biler.
Smartfonyň 2024-nji ýylyň iýun-iýul aýlarynda çykmagyna garaşylýar.
