10-njy iýunda Apple kompaniýasy Mac kompýuterleri üçin operasion sistemanyň täze wersiýasyny – macOS 15 Sequoia-ny hödürledi. Täzelenme WWDC 2024 konferensiýasynda anons edildi.
Esasy täzelik iPhone-yň ekranyny Mac-da dublirlemäge mümkinçilik berýän iPhone Mirroring funksiýasy boldy. Ulanyjylar öz smartfonlaryny kompýuterden dolandyryp, faýllary bir ýerden başga ýere geçirip we habarlary kabul edip bilerler. Funksiýanyň işlemegi üçin iki gurluşyň-da bir Wi-Fi toruna birikdirilmegi we iPhone-yň “Garaşma” režiminde kompýuteriň ýanynda zarýad berijide durmagy hökmandyr.
Şeýle-de, macOS 15 Sequoia-da ähli gurluşlardan, şol sanda Windows-PK-dan paroly saklaýan “Parollar” programmasy peýda boldy.
Gurnalan Safari brauzeri emeli aňa esaslanýan birnäçe funksiýalara eýe boldy. Indi brauzer sahypalaryň gysgaça beýanyny döredip, makalanyň esasy mazmunyny ýüze çykaryp, teksti abzaslara bölüp we media-mazmun barada maglumat ýygnap bilýär.
Beýleki täzelikleriň arasynda şular bar: wideo-jaň wagtynda yzky fonuň üýtgemegi, Apple Intelligence emeli aň funksiýalary, programmalar penjiresiniň belli bir burçda berkidilmegi.
macOS 15 Sequoia-ny goldaýar:
- iMac (2019 we has täze)
- Mac Studio (2022)
- iMac Pro (2017 we has täze)
- MacBook Air (2020 we has täze)
- MacBook Pro (2018 we has täze)
- Mac Pro (2019 we has täze)
- Mac Studio (2022 we has täze)
- Mac mini (2018 we has täze)
macOS 15 Sequoia täzelenmesi macOS 14 Sonoma-ny (2023-nji ýyl) goldan ähli Mac we MacBook bilen gabat gelýär. Beta-wersiýa ýüklemek üçin eýýäm elýeterlidir.
