Täsin hyzmat: Hytaýly zenan 12 ýyl bäri nätanyşlara gijäniň rahat bolmagyny arzuw edýär

  • 11.06.2024 07:02
  • 9.7k+

Hytaýly Çžumeý eýýäm 12 ýyl bäri adaty bolmadyk hyzmaty hödürleýär: arzuwlar, höweslendiriji sözler we goşgular bilen nätanyş adamlara gije SMS ýazýar. Şeýle SMS-iň bahasy bary-ýogy 1 ýuan. 12 ýylyň dowamynda Çžumeý 50 müňden gowrak SMS iberdi we takmynan 10 müň adam bu hyzmatdan peýdalandy. Adaty bolmadyk hyzmat barada “Вокруг света” žurnalynda aýdylýar.

Nätanyş adamyň SMS-leri kime gerek?
Çžumeýiň aýdyp bermegine görä, adamlar onuň ýanyna dürli hekaýalar bilen gelýärler. Käbir adamlar dawa ýa-da uzak aýralykdan soň ýakynlaryna SMS ibermek isleýärler, käbirleri bolsa kyn döwri başdan geçirýän ýakynlaryna goldaw bermek isleýärler. Bir gün Çžumeýiň ýanyna bir ýetginjek gyzyň kyn döwri başdan geçiren ejesi geldi. Ol Çžumeýden gyzynyň “ýalňyz ýüregine teselli berjek we ir ýatmagyny ýatlatjak” SMS ibermegini haýyş etdi.
Şeýle hem, 30 ýaşly telekeçiniň kyn döwürde goldaw almak üçin özüne SMS sargyt etmegi bilen baglanyşykly bir waka bolupdyr.
Çžumeý häzirki zaman dünýäsinde köp adamlaryň özlerini ýalňyz duýýandyklaryny we başga bir adamdan geljek ýönekeýje “gijäň rahat bolsun” jümlesine mätäçdigini belläp geçýär.
Nätanyş adamyň durmuşyna penjire
Çžumeýiň özi bu işiň “nätanyş adamyň durmuşyna penjire” bolandygyny aýdýar. Maşgalanyň dokuzynjy gyzy bolany üçin, özi-de bir wagtlar şeýle goldawa mätäç bolandygyny boýun alýar. Ol bütin wagtyny körpe we ýekeje ogluna bagyş eden ene-atasynyň söýgüsini we ünsüni küýseýärdi.
Çzumeýiň hyzmaty oňa hiç wagt kän girdeji getirmedi - ýylda 3000 ýuandan (410 dollar töweregi) köp däl, ýöne onuň bu işi ýapmak niýeti ýok. Ol müşderilerinden köp minnetdarlyk alýandygyny aýdýar.
Müşderileri ýitirmek üstünligiň görkezijisidir
Çžumeý hemişelik müşderileriniň sargytlary bes edilende biçak begenýär. Diýmek, olar indi özlerini ýalňyz duýmaýarlar.


düýn 10:43
1.7k+

Hytaýyň uly sosial ulgamlary emeli aň tarapyndan döredilen kontentlere bellik goýup başlady

1-nji sentýabrdan Hytaýyň WeChat (Tencent Holdings) we Douyin (ByteDance) ýaly uly sosial ulgamlary emeli aňyň kömegi bilen döredilen onlaýn kontentleriň ählisine bellik goýup başlady. Muny täze kanun talap edýär diýip, South China Morning Post habar berýär...

01.09.2025 15:41
3.1k+

Türkmenistanyň wekiliýeti Pekinde «Gugun» taryhy köşkler toplumyna baryp gördi

Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewanyň ýolbaşçylygyndaky türkmen wekiliýeti Hytaýa saparynyň çäklerinde «Gugun» taryhy köşkler toplumyna baryp gördi...

29.08.2025 19:56
12k+

Hytaýda soňky 30 ýylda ilkinji gezek dýugon göründi: bu jandar ýitip giden hasaplanypdy

Hytaýda Günorta-Hytaý deňziniň Nanşa arhipelagyndaky Ýunşu rifiniň töwereginde 2022-nji ýylda ýurtda resmi taýdan ýitip giden diýlip ykrar edilen suw süýdemdirijileriniň bir görnüşi – dýugon göründi. Bu barada China Daily habar berýär...

18.08.2025 16:02
3.1k+

Hytaýdan totuguş Sýaoguý reňkleri tapawutlandyrmak ukyby bilen Ginnesiň kitabyna girdi

Hytaýdan totuguş Sýaoguý reňkleri çalt tapawutlandyrmak başarnygy bilen Ginnesiň rekordlar kitabyna girdi. Ol 10 reňkden ybarat ýumuşdan 33,5 sekuntda baş çykaryp, guşlaryň arasynda iň gowy netijäni görkezdi. Synag wagtynda Sýaoguýa 10 sany kiçiräk gap we şol bir reňklerdäki 10 top berildi...