Netflix meşhur “Kesgir gaşlar” (“Peaky Blinders”) serialyna esaslanýan doly göwrümli çeper filmiň çykaryljakdygyny resmi taýdan tassyklady. “Oskar” baýragynyň eýesi Killian Merfi Tomas Şelbiniň keşbine gaýdyp geler diýip, Deadline habar berýär.
"Tomas Şelbi meniň bilen hoşlaşmadyk bolara çemeli ... “Kesgir gaşlar”-yň film wersiýasynda Stiwen Naýtdyr Tom Harper bilen hyzmatdaşlygy gaýtadan ýola goýmak diýseň ýakymly." Bu muşdaklara niýetlenen film "- diýip, Merfi neşir bilen bolan söhbetdeşlikde aýtdy.
Filmiň edebi esasyny serialy dörediji Stiwen Naýt ýazar, režissýoryň oturgyjyny bolsa “Kesgir gaşlar” -yň birinji möwsüminiň ikinji ýarymyny surata düşüren režissýor Tom Harper eýelär. Film şu ýylyň ahyrynda surata düşürilip başlar. Filmiň çykjak senesi entek yglan edilmedi.
Täze filmiň sýužeti baradaky jikme-jiklikler gizlin saklanýar. Şeýle-de bolsa, Stiwen Naýt filmdäki wakalaryň Ikinji Jahan urşy döwründe ýaýbaňlanmagynyň mümkindigini aýdypdy.
“Kesgir gaşlar” serialynyň Netflix-de 2013-nji ýyldan 2022-nji ýyla çenli çykandygyny we alty möwsümden ybarat bolandygyny ýatladýarys. Bu waka Beýik Britaniýanyň Birmingem şäherinde Şelbiniň garakçylar topary bilen beýleki jenaýatçy toparlaryň arasyndaky gapma-garşylyk hakynda gürrüň berýär. Hereketler 1919-njy ýylda, ýurduň Birinji Jahan Urşunyň netijelerini başdan geçirýän pursady ýaýbaňlanýar.
