Üç gezek dünýä çempiony, “Red Bulluň” niderlandiýaly ýaryşa gatnaşyjysy Maks Werstappen 9-njy iýunda Monrealda geçirilen Kanadanyň Gran-prisinde ýeňiş gazandy.
Ikinji bolup pellehana “Maklareniň” ýaryşa gatnaşyjysy Lando Norris geldi, üçünji orny “Mersedesden” Jorj Rassell eýeledi.
“Mersedesden” ýene bir ýaryşa gatnaşyjy Lýuis Hemilton bolsa ýaryşy dördünji orunda tamamlady.
“Ferrariniň” sürüjileri Şarl Lekler we Karlos Saýns pellehana ýetip bilmedi. Werstappeniň topardaşy Serhio Peres hem ýaryş ýolundan çykdy.
Werstappen möwsümde altynjy we karýerasynda 60-njy ýeňşini gazandy. Ol sanawda 194 utuk bilen birinji orny eýeleýär. Lekler, ýaryşy şowsuz tamamlandygyna garamazdan, ikinji orny saklaýar (138). Şeýle-de, ilkinji bäşlige Norris (131), Saýns (108) we Peres (107) girýär. Konstruktorlaryň kubogynda “Red Bulluň” hasabynda 301 utuk bar, ikinji orunda 252 utuk bilen “Ferrari”, üçünji orunda 212 utuk bilen “Maklaren” gelýär.
Ispaniýanyň Gran-prisi 21 – 23-nji iýunda Barselonada geçiriler.
