Xiaomi güýçli 108 megapiksel kamerasy we kämilleşdirilen funksiýalary bolan täze elýeter bahaly Redmi 13 smartfonyny hödürledi.
Täze önüm, 9 pikseli 1-e birleşdirip, 3x ýakynlaşdyrmany üpjün edýän 1/1,67 dýuým ululykdaky Samsung ISOCELL HM6 esasy sensoryny aldy. Öň kamerasy hem täzelenme aldy, indi onuň ölçegi 13 megapiksele deňdir.
Redmi 13 FHD ululykdaky 6,79 dýuýmly IPS displeý we 90 Gs täzeleniş ýygylygy bilen üpjün edilendir. Prosessor hökmünde MediaTek Helio G91-Ultra ulanylýar. Telefon üç ýat görnüşinde elýeterlidir: 6GB/128GB, 8GB/128GB we 8GB/256GB. Ýadyň göwrümini mikroSD karta arkaly 1 TB çenli giňeldip bolar.
Telefon, 5030 mA/s akkumlýatora 62 minudyň dowamynda 0-dan 100%-e çenli zarýad berip bolýan kuwwatlylygy 33W bolan çalt zarýady goldaýar. Şeýle-de Redmi 13-üň IP53 tozana we suwa garşy goragy bar.
Redmi 13-üň bahasy 180 dollardan başlaýar. Telefon dört reňkde elýeterlidir: gara (Midnight Black), altynsow (Sandy Gold), gülgüne (Pearl Pink) we gök (Ocean Blue).
