WWDC 2024-üň öňüsyrasynda Apple kompaniýasy Apple Design Awards baýragynyň ýeňijilerini yglan etdi. Kupertinoly hünärmenler öz dizaýny, funksionallygy we ulanyjylara täsiri bilen tapawutlanýan iň gowy programmalary we oýunlary saýladylar.
Şu ýyl baýrak 7 kategoriýa bölündi, olaryň her birinde 2 ýeňiji bar:
Lezzet we gyzykly:
- - Programma: Bears Gratitude – rahatlyk we pozitiw atmosferany döredýän mähirli aýylar we leniwesler bilen gündelik.
- - Oýun: NYT Games – New York Times-den krosswordlary, tapmaçalary öz içine alýan ýönekeý we stile laýyk dizaýnly oýunlar ýygyndysy.
Inklýuziwlik:
- - Programma: oko – görüş taýdan kemçilikli adamlara ýolyşygyň signallaryny kesgitlemek arkaly şäherde gezmäge kömek edýän programma.
- - Oýun: Crayola Adventures – gahrymany öz islegiňe görä sazlamaga, bezeg döretmäge we tapmaçalary çözmäge mümkinçilik berýän başdan geçirmeler oýny.
Innowasiýa:
- - Programma: Procreate Dreams – 2D animasiýany döretmek üçin çotgalaryň we hereketleriň giň toplumyny hödürleýän gural.
- - Oýun: Lost in play – elde döredilen grafika we tapmaçalar bilen çagalaryň hyýallary barada başdan geçirme.
Özara gatnaşyk:
- - Programma: Crouton – tagam taýýarlygyna ünsi jemlemäge mümkinçilik berýän, gerekli önümleriň sanawyny düzmek üçin reseptleri we gurallary öz içine alýan programma.
- - Oýun: Rytmos – her derejede täze elementleri goşýan pazl tapmaçasy.
Sosial täsir:
- - Programma: Gentler Streak Fitness Tracker – fiziki işjeňligiňe, dynç alşyňa we özüňi duýşuňa gözegçilik etmäge mümkinçilik berýän işjeňlik trekeri.
- - Oýun: The Wreck – hassahana düşen ýazyjy Junonyň wakasyny gürrüň berýän oýun.
Wizual we grafika:
- - Programma: Rooms – öz döredijiligiňi beýlekiler bilen paýlaşmaga mümkinçilik berýän, rahat 3D otaglaryny döretmek üçin programma.
- - Oýun: Lies of P – oýunça robotlaşdyrylan gurjagy dolandyrmaga mümkinçilik berýän güýçli grafikaly başdan geçirme.
Giňişlik hasaplamalary:
- - Programma: djay pro – DJ App & AI Mixer – özüňi dijeý duýmaga mümkinçilik berýän, Apple Vision Pro üçin AR programma.
- - Oýun: Black Box – özboluşly tapmaçalary öz içine alýan AR oýun.
Bellenilen programmalaryň we oýunlaryň käbirleri App Store-yň käbir sebitlerinde elýeterli bolman biler, olaryň birnäçesi bolsa töleglidir.
