ÝB - Merkezi Aziýa ýokary derejeli dialogynyň mejlisi geçirildi

  • 07.06.2024 23:10
  • 8.7k+

5-nji iýunda Brýusselde syýasy we howpsuzlyk meseleleri boýunça ÝB-Merkezi Aziýa ýokary derejeli dialogynyň nobatdaky mejlisi geçirildi. Tükmenistanyň wekiliýetine Türkmenistanyň daşary işler ministriniň orunbasary A.Gurbanow ýolbaşçylyk etdi. Çäre Daşary gatnaşyklar boýunça Ýewropa gullugynyň (DGÝG) edarasynda geçirilip, Merkezi Aziýanyň we Ýewropa Bileleşiginiň wekillerini ýygnady. Duşuşyk resmi surata düşmek dabarasy we gutlag sözleri bilen başlandy, soň tematiki bölümçeler geçirildi.

«Ösüp barýan ählumumy we sebitleýin howpsuzlyk gurşawy» atly birinji bölümçede Türkmenistanyň wekiliýeti ählumumy howplara, şol sanda terrorçylyga we kiberjenaýatçylyga garşy göreşmekde bilelikdäki tagallalaryň möhümdigini belledi. Türkmenistanyň 2025-2030-njy ýyllar üçin zorlukly ekstremizmiň öňüni almak we terrorçylyga garşy göreşmek boýunça täze Milli strategiýasynyň üstünde işleýändigi nygtaldy. Türkmenistanyň bitaraplygynyň ähmiýeti we halkara bileleşiginiň parahatçylyk tagallalaryndaky orny hem nygtaldy.
ÝB bilen Merkezi Aziýanyň arasynda howpsuzlyk meselelerindäki hyzmatdaşlyga bagyşlanan ikinji mejlisde, türkmen tarapy gepleşikler we halkara hyzmatdaşlygy arkaly syýasy durnuklylygy berkitmegiň möhümdigine ünsi çekdi. Şu nukdaýnazardan, howpsuzlygy berkitmäge we serhetaşa howplara garşy göreşýän BOMCA, CADAP we LEICA ýaly ÝB tarapyndan goldanýan maksatnamalaryň ähmiýeti görkezilýär. Türkmen tarapy, Türkmenistanda sanly ykdysadyýetiň ösüşine we kiberhowpsuzlyk pudagynda halkara hyzmatdaşlygynyň ähmiýetine ünsi çekdi.
Jemleýji bölümçe terrorçylyk howpyna we Owganystandaky ýagdaýlara bagyşlandy. Türkmen wekiliýeti Owganystanda durnuklylygy gazanmak üçin halkara goldawynyň möhümdigini aýtdy we «Türkmenistan-Owganystan-Pakistan-Hindistan» gaz geçirijisi, elektrik liniýalary we demirýol gurluşygy ýaly bu ýurtda Türkmenistan tarapyndan durmuşa geçirilýän taslamalara ünsi çekdi.
ÝB tarapyndan çekişmelere Syýasy meseleler boýunça baş sekretaryň orunbasary we DGÝG-niň syýasy direktory Enrike Moru, Merkezi Aziýa boýunça ÝB-niň ýörite wekili Teri Hakala, Terrorçylyga garşy göreşmek boýunça ÝB-niň ýörite wekili Nadia Kostantini, Terrorçylyga garşy göreşmek boýunça ÝB-niň utgaşdyryjysy Bartýan Wegter we Owganystan boýunça ÝB-niň ýörite wekili Tomas Niklasson ýaly esasy wekiller gatnaşdylar.


düýn 14:47
1.8k+

Türkmenistanyň biržasynda geçen hepdede baglaşylan geleşikleriň bahasy 96 mln dollardan geçdi

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 19-sy hasaba alyndy. Geleşikleriň jemi bahasy ABŞ-nyň 96 million 517 müň dollaryndan gowrak boldy. Daşary ýurt puluna Birleşen Arap Emirlikleriniň, Türkiýäniň we Owganystanyň telekeçileri “Türkmenhimiýa” döwlet konserniniň kärhanasynda öndürilen suwuklandyrylan gazy, karbamidi satyn aldylar...

düýn 14:01
5.2k+

Türkmenistanyň wekiliýeti Russiýada geçirilen Halkara ekologiýa maslahatyna gatnaşdy

25-nji iýulda Türkmenistanyň wise-premýeri N.H.Atagulyýewiň ýolbaşçylygyndaky Türkmenistanyň wekiliýeti Russiýa Federasiýasynyň Altaý Respublikasynda geçirilen Halkara ekologiýa maslahatyna gatnaşdy. Bu barada Türkmenistanyň DIM-nde habar berdiler...

düýn 08:56
12k+

Gurbanguly Berdimuhamedow Arkadag şäheriniň metjidiniň gurluşygyny gözden geçirdi

26-njy iýulda türkmen halkynyň Milli Lideri Gurbanguly Berdimuhamedow Arkadag şäherine iş saparynyň çäklerinde gurluşygy batly depginde dowam edýän Arkadag şäheriniň metjidini synlady. Häzirki döwürde metjidiň gurluşygyna ýurdumyzdan we daşary ýurtlardan köp sanly adamlar haýyr-sahawat serişdelerini gönükdirip, sogap işe goşant goşýarlar...

düýn 08:48
5.2k+

Gurbanguly Berdimuhamedow Arkadag şäheriniň ikinji tapgyrynyň gurluşygy boýunça iş maslahatyny geçirdi

26-njy iýulda Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparynyň çäklerinde Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D...