Kynçylyksyz bolmasa-da, ilkinji ekipažly Boeing Starliner Halkara kosmos stansiýasyna bardy

  • 07.06.2024 16:51
  • 15k+

2024-nji ýylyň 6-njy iýunynda bortunda astronawtlar Sunita Wilýams we Barri Wilmor bolan köp gezeklik Boeing Starliner kosmos gämisi Halkara kosmos stansiýasyna (HKS) birleşdi. Ýaýlym NASA-nyň saýtynda alnyp baryldy.

Tehniki näsazlyklar sebäpli ençeme gezek gijikdirilen uçuş ahyrynda bir gije-gündiz wagt aldy. Starliner-iň HKS bilen birleşmesi meýilleşdirilenden tas bir ýarym sagat soň, 22:34-de bolup geçdi.
Çünki, Starliner-iň hyzmat modulynda gurnalan 28 ugur hereketlendirijisiniň 5-isini işe girizmek bilen baglanyşykly meseleler ýüze çykdy. Şeýle-de, gäminiň ýangyç ulgamynda iki sany geliý syzmasy ýüze çykaryldy.
Bu näsazlyklara garamazdan, missiýa toparyna işlemän galan 5 hereketlendirijiden dördüsiniň işe ukyplylygyny gaýtadan dikeltmek başartdy we gämi HKS bilen üstünlikli birleşdi.
Wilmor bilen Wilýamsyň stansiýada bir hepde töweregi bolmagyna garaşylýar. Soň 14-nji iýunda Starliner meýilnama boýunça Uaýt-Sends (Nýu-Meksiko ştaty) meýdançasynda asuda gonuşy amala aşyrmaly.
Uçuşyň esasy wezipesi gäminiň ekipažlary kosmos stansiýasyna eltmek we olary Ýere gaýtaryp getirmek ukybyny barlamakdan ybarat.


21.10.2025 12:00
3.8k+

Rus inženerleri kosmosda emeli dartyş güýjüni döretmegi başardylar

“Roskosmosyň” düzümine girýän “Energiýa” raketa-kosmos korporasiýasy kosmos giňişliginde emeli dartyş güýjüni döretmäge ukyply ulgam üçin patent aldy. Degişli resminama Rospatentiň maglumatlar bazasynda çap edildi...

21.10.2025 11:57
3.6k+

SpaceX-iň weterany we maýyp arabasyndaky gyz New Shepard raketasynda suborbital uçuşa ugrar

SpaceX-iň öňki inženeri Hans Kýonigsmann Blue Origin kompaniýasynyň New Shepard raketasynda 2025-nji ýylyň noýabr aýynda suborbital uçuşa gatnaşmagy meýilleşdirýändigini aýtdy diýip, Ars Technica ýazýar. Kýonigsmann — SpaceX-iň ilkinji we iň abraýly işgärleriniň biridir...

19.10.2025 16:58
3.9k+

SpaceX kompaniýasy Starship V2-niň soňky uçuşyndan täsirli kadrlary görkezdi

SpaceX 14-nji oktýabrda bolan Starship V2 raketasynyň soňky synag uçuşyndan täze we örän täsirli kadrlary hödürledi. X sosial ulgamynda ýerleşdirilen wideoda missiýanyň iň esasy tapgyrlary – raketanyň uçuşy, basgançaklaryň bölünip aýrylyşy we suwa gonmazdan öň atmosfera girişi görkezilýär...

17.10.2025 18:55
2.9k+

SpaceX “Falcon 9” raketa göterijisiniň birinji basgançagyny 500-nji gezek Ýere yzyna gaýtardy

16-njy oktýabrda SpaceX kompaniýasy Falcon 9 raketasynyň nobatdaky uçuşyny üstünlikli amala aşyrdy. Ol orbita Starlink ulgamynyň 28 hemrasyny çykardy. Kompaniýa üçin bu uçuş aýratyn ähmiýetli boldy – raketanyň birinji basgançagy 500-nji gezek Ýere üstünlikli gaýdyp geldi...