World Athletics sport federasiýasy 10 million dollar baýrakly täze ýaryş gurnaýar

  • 07.06.2024 11:46
  • 3.3k+

Halkara ýeňil atletika federasiýalary birleşigi (World Athletics) täze abraýly ýaryşyň - World Athletics Ultimate Championship-iň döredilendigini habar berdi. Iki ýyldan bir gezek geçiriljek bu ýaryş ýeňil atletika möwsüminiň finaly bolar we dünýäniň iň gowy atletikaçylaryny birleşdirer.

Ilkinji çempionat 2026-njy ýylyň 11-13-nji sentýabry aralygynda Budapeştde geçiriler. Baýrak gaznasy rekord 10 million dollar bolar. Her görnüş boýunça ýeňiji 150 müň dollar alar.
Ýaryşa 70 ýurtdan 400 töweregi türgeniň gatnaşmagyna garaşylýar. Her görnüş boýunça dünýä reýtingine görä saýlanan dünýäniň iň gowy türgenleriniň 8-16-sy ýaryşar.
World Athletics rekord baýrak gaznasyndan başga-da, Olimpiýa oýunlarynyň altyn medallarynyň gymmatyny artdyrjak täze başlangyjy yglan etdi. 2024-nji ýylda Parižde geçiriljek Olimpiýa oýunlarynda altyn medal gazanan türgenler World Athletics-den 50 müň dollar alarlar.
Bu World Athletics-i Olimpiýa oýunlarynda gazanylan altyn medallar üçin pul baýragyny töleýän ilkinji halkara sport federasiýasyna öwürýär. 


24.06.2025 00:07
2.5k+

Kirsti Kowentri resmi taýdan Halkara Olimpiýa Komitetiniň prezidenti boldy

Kirsti Kowentri resmi taýdan Halkara Olimpiýa Komitetiniň (HOK) prezidenti wezipesine girişdi. Dabara duşenbe güni Şweýsariýanyň Lozanna şäherinde geçirildi. 2013-nji ýyldan bäri gurama ýolbaşçylyk eden HOK-yň öňki prezidenti Tomas Bah öz ygtyýarlyklaryny oňa geçirdi...

15.06.2025 23:00
4.7k+

Norwegiýaly Warholm taryhda ilkinji bolup päsgelçilikli 300 m aralygy 33 sekuntdan tiz ylgap geçdi

Norwegiýaly Karsten Warholm Osloda geçirilen “Bişletdäki oýunlarda” päsgelçilikli 300 metr aralyga ylgamakda dünýä rekordyny goýdy. Ol taryhda ilkinji bolup bu aralygy 33 sekuntdan tiz ylgap geçdi – onuň netijesi 32,67 sekunt boldy...

01.06.2025 13:51
2.8k+

Gresiýada gumanoidleriň ilkinji Olimpiadasy geçiriler

29-njy awgustdan 2-nji sentýabr aralygynda Gresiýanyň Olimpiýa şäherinde gumanoidleriň ilkinji Halkara olimpiadasy geçiriler. Adam şekilli robotlar sport ýaryşlaryna gatnaşyp, çeýeligi, tizligi we emeli aňyň mümkinçiliklerini görkezer...

10.05.2025 19:22
6.7k+

Los-Anjelesdäki Olimpiada-2028-iň açylyş we ýapylyş dabaralary iki stadionda geçiriler

Los-Anjelesiň Ýadygärlik kolizeýi we Inglwuddaky stadion 2028-nji ýylyň tomusky Olimpiýa oýunlarynyň açylyş we ýapylyş dabaralary üçin esasy meýdança bolup hyzmat eder. Bu barada Halkara Olimpiýa komitetiniň (HOK) saýtynda habar berilýär...