Kanadanyň Inkas Armored kompaniýasy Toyota Tundra kysymly pikapyň bronlanan görnüşini hödürledi.
Awtoulag BR6 + derejeli goragy üpjün etmäge niýetlenendir. Gorag köpgatly ballistik aýnanyň, 360 dereje sowutlanan kuzowyň, akkumulýatory we ýangyç bakyny hem öz içine almak bilen, ähli möhüm bölekleriniň hemmesiniň sowutlanmagy arkaly üpjün edilýär.
Ulaga tüpeň oky we el granatlarynyň partlamasy kär edip bilmeýär.
Şina deşilse hem dolandyryp bolar ýaly Runflat tekerleri ulanylýar.
Gapylarynyň gaýym petleleri we berkidijileri onuň öz-özünden açylmagynyň öňüni alýar.
Bronlanan Toyota Tundra 10 tizlikli awtomatiki geçiriş bilen jübütlenen, 389 at güýjüni öndürýän 3,5 litrlik Twin Turbo V6 hereketlendirijisi bilen üpjün edilendir.
Awtoulagyň gabarasynyň ölçegleri: 5932 x 2024 x 1982 mm, tigir bazasy - 3699 mm.
Ýangyç bakynyň göwrümi 83 litr.
"Inkas Armored Toyota Tundra - bu ýöne bir ulag bolman, eýsem aňrybaş howpsuzlygy we kuwwaty isleýänler üçin döredilen tekerleriň üstündäki gala" – diýip, Inkas Armored nygtaýar.
