ÝUNISEF-niň Türkmenistandaky wekilhanasynyň ýolbaşçysy diplomatik missiýasyny tamamlaýar

  • 05.06.2024 14:37
  • 2.1k+

4-nji iýunda Türkmenistanyň daşary işler ministri Raşid Meredow BMG-niň Çagalar Gaznasynyň (ÝUNISEF-niň) Türkmenistandaky wekilhanasynyň ýolbaşçysy wezipesini üstünlikli tamamlaýan Mohammad Faýazi bilen duşuşdy diýip, Türkmenistanyň DIM-inda habar berýärler.

Diplomatlar häzirki zaman meselelerini we uzak möhletleýin hyzmatdaşlygyň mundan beýläk-de ösdürilmegi üçin geljegi uly ugurlary ara alyp maslahatlaşyp, Türkmenistan bilen BMG-niň Çagalar Gaznasynyň arasyndaky hyzmatdaşlygyň ýokary derejesini kanagatlanma bilen bellediler.
Mundan başga-da, taraplar ileri tutulýan ugurlary hökmünde çagalaryň bähbidi üçin dolandyryş, çagalaryň saglygy, iýmitlenmegi we irki ösüşi, çagalaryň durmuş goraglylygy we ýokary hilli bilim ýaly ugurlar kesgitlenilen ÝUNISEF-iň we Türkmenistanyň hökümetiniň 2021- 2025-nji ýyllar üçin Ýurt meýilnamasynyň durmuşa geçirilişi bilen bagly meselelere seretdiler. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň saglygyny dikeltmäge mätäç çagalara lukmançylyk hyzmatlaryny bermekde alyp barýan işleriniň ähmiýeti bellendi.
Duşuşygyň ahyrynda M.Faýazi şu ýyllaryň dowamynda ýolbaşçylyk edýän diplomatik missiýasynyň üstünlikli işinde berlen goldaw üçin minnetdarlyk bildirdi.


şu gün 10:37
1.1k+

Türkmenistanyň Mejlisiniň Başlygy Hindistanyň ilçisi bilen duşuşdy

26-njy noýabrda Türkmenistanyň Mejlisiniň Başlygy D.Gulmanowa Hindistanyň ilçisi Bandaru Wilsonbabu bilen duşuşdy. Bu barada milli Parlamentiň saýtynda habar berilýär. Mejlisiň ýolbaşçysy ilçini ýokary diplomatik wezipä bellenilmegi mynasybetli gutlap, oňa iki ýurduň arasyndaky köpugurly gatnaşyklary mundan beýläk-de ösdürmäge gönükdirilen işinde uly üstünlikleri arzuw etdi...

şu gün 10:16
857

ÝUNISEF-iň we ÝUNFPA-nyň Türkmenistandaky wekilhanalarynyň 2026-njy ýyl üçin iş meýilnamalary taýýarlanyldy

2026-2027-nji ýyllarda anyk çäreleri geçirmek üçin BMG-niň Çagalar gaznasy we Ilat gaznasy bilen Türkmenistanyň degişli ministrlikleriniň, pudak edaralarynyň, jemgyýetçilik guramalarynyň arasynda dürli ugurlar boýunça jemi 16 sany resminamanyň taslamalary işlenip taýýarlanyldy...

şu gün 10:04
3.4k+

Türkmenistanda dekabr aýynda geçiriljek esasy çäreleriň Tertibi aýdyldy

28-nji noýabrda geçirilen Hökümet mejlisinde wise-preýmer B.Seýidowa 2025-nji ýylyň dekabr aýynda geçiriljek esasy çäreleriň we açylyp ulanmaga beriljek medeni-durmuş maksatly binalaryň Tertibi barada hasabat berdi...

şu gün 10:01
3.3k+

5-nji dekabrdan Türkmenistanyň çäginde baýramçylyk söwdalary başlanar

5-nji dekabrdan başlap Türkmenistanyň welaýatlarynda hem-de Aşgabat, Arkadag şäherlerinde ýerleşýän söwda merkezlerinde, bazarlarda, dükanlarda baýramçylyk söwdalaryny amala aşyrmak, göçme söwda nokatlaryny gurnamak göz öňünde tutulýar...