Kaliforniýa ştatynyň Santa-Fe-Springs şäherindäki ShowFX sergisinde Arnold Şwarseneggeriň “Fubar” serialynyň gahrymanynyň keşbindäki äpet göwresi goýlupdyr. 6,75 metrlik heýkel aktýoryň iň uly göwresi hökmünde resmi taýdan Ginnesiň rekordlar kitabyna girizildi.
Rekordlar kitabynda heýkeliň boýunyň ortaça žirafyňkydan we ABŞ-nyň prezidentleriniň Raşmor dagyndaky ýüzleriniň barelýefinden has beýikdigi bellendi.
Heýkel “Fubar”-yň ilkinji görkezilişiniň şanyna çäkli nusgada çykarylan 10 sm-lik Netflix heýkeljikleriniň ulaldylan görnüşidir. Bu serialda Şwarsenegger Merkezi aňtaw müdirliginiň gullukçysynyň keşbini ýerine ýetirýär we edil özi ýaly aňtaw gullugynda işleýän gyzy bilen gaýtadan tapyşýarlar. Kino tankytçylarynyň ýokary bahasyna mynasyp bolan bu serial geçen ýyl ikinji möwsüme uzaldyldy.
