Samsung ABŞ-da Galaxy Z Fold7 smartfony üçin rekord mukdarda – Galaxy Z Fold hatarynyň öňki islendik modelinden köp deslapky sargytlary kabul edendigini habar berdi.
Umuman alanyňda, Galaxy Z Fold7 we Galaxy Z Flip7 üçin deslapky sargytlar geçen ýylky görkezijilerden 25% ýokary boldy. Aragatnaşyk operatorlarynyň maglumatlaryna görä, iki model üçin hem deslapky sargytlaryň ösüşi öňki modeller bilen deňeşdirilende 60% boldy.
Şeýle-de, kompaniýa 25-nji iýulda satuw başlandan soň, smartfonlaryň ikisi üçin hem islegiň ýokary bolmagynda galýandygyny belledi. Sargytlaryň mukdary öňki nesil smartfonynyň görkezijilerinden 25%-den gowrak bolmagyny dowam etdirýär, Galaxy Z Fold7-niň satuwy bolsa degişli döwürde geçen ýylky modeliň derejesinden 50% ýokarydyr.
Mundan başga-da, öňki modellerden tapawutlylykda Galaxy Z Fold7 maşgalasynda iň köp isleg bildirilýän reňk Blue Shadow boldy. Ol deslapky sargytlaryň, takmynan, ýarysyny emele getirdi. Öňki modellerde korpusyň gara reňki öňdebaryjydy.
