Şu gün, 4-nji iýunda Ýer Günüň görlüp-eşidilmedik işjeňligi sebäpli G3 derejeli güýçli magnit hadysasyny başdan geçirer. Bu barada Russiýanyň Gün astronimiýasy barlaghanasyna salgylanyp, Life.ru ýazýar.
Alymlaryň maglumatlaryna görä, soňky birnäçe günüň dowamynda Günde X derejeli bäş sany partlama bolup geçdi. Biziň planetamyz üçin iň howplusy 1-nji iýunda Ýere aralaşmagy mümkin bolan 29-njy maýdaky partlama boldy. Şonda Gün zyňyndysy, her niçik-de bolsa, birnäçe million km uzaklykda Ýeriň golaýyndan geçdi.
Bu gezek alymlar partlamanyň merkeziniň Gün – Ýer liniýasyna golaý ýerleşýändigini we plazma buludynyň göni planetamyza gönükdirilendigini belleýärler. Şeýlelikde, Gün maddasy 4-nji iýunda, sişenbe güni G3 urgy güýji bilen Ýeriň orbitasyna ýeter.
Şeýle hadysa täsirini ýetirmän galmaz. Howa duýgur adamlara fiziki agramlardan gaça durmak maslahat berilýär, sebäbi magnit meýdançasyndaky üýtgeşme ýüregiň we gan damarlarynyň saglygyna ýaramaz täsir edip biler. Şeýle-de, telefonlaryň we kompýuterleriň ulanylmagyny çäklendirmek möhümdir, çünki elektromagnit şöhlelenmeleri kellagyra we ukynyň bozulmagyna sebäp bolup biler.
