Pop-sazyň şasynyň ömri we döredijiligi barada gürrüň berýän “Maýkl” terjimehal filmini surata düşürmek işleri tamamlandy. Bu barada GK Films film kompaniýasy habar berdi. Filmiň daşary ýurtdaky ilkinji görkezilişini 2025-nji ýylyň aprelinde geçirmek meýilleşdirildi diýip, Collider ýazýar.
Maýkl Jeksonyň keşbini onuň ýegeni Jaafar Jekson oýnady. Filme “Türgenleşik güni” (“Тренировочный день”) we “Beýik deňleýji” (“Великий уравнитель”) filmleri bilen tanalýan Antuan Fukua režissýorlyk etdi. Filmde Jaafar bilen birlikde Kolman Domingo, Lora Herriýer we Maýlz Teller dagylar hem surata düşdüler.
“Maýkl” filmini paýlaýjy Universal studiýasynyň meşhur aýdymçynyň filmde beýan edilýän terjimehalyndaky jedelli bölümleri görkezmejekdigi öň habar berlipdi.
