"Türkmenhowaýollary" agentligi 2024-nji ýylyň haj möwsüminde 289 sany türkmenistanly zyýaratçynyň haj parzyny berjaý etmekleri üçin, Saud Arabystany Patyşalygyna eltip-getirmek boýunça 10 sany ýörite gatnaw ýola goýdy. Bu barada agentligiň resmi saýtynda habar berilýär.
Şu ýylyň haj döwründe «Türkmenhowaýollary» agentligi tarapyndan guralýan ýörite gatnawlar 2024-nji ýylyň 1-nji iýunyndan 9-njy iýuly aralygynda ýerine ýetiriler.
289 sany ildeşlerimizden ybarat bolan döwlet toparyny Saud Arabystany Patyşalygyna eltmek we yzyna getirmek boýunça çykdajylary Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» agentligi öz serişdeleriniň hasabyna amala aşyrar.
