Russiýaly söweşiji Islam Mahaçew Nýuarkda (Nýu-Jersi ştaty) geçirilen UFC 302 ýaryşynda amerikaly Dastin Porýeni ýeňip, ýeňil agramda UFC-niň çempiony titulyny üstünlikli gorady. 32 ýaşly russiýaly bäşinji raundda demikdiriji usul bilen ýeňip, ýeňişli tapgyryny 14 söweşe çenli uzaltdy.
Şeýlelik bilen, Mahaçew ýeňil agramda karýerasyny yzygider 13 ýeňiş bilen tamamlan Habib Nurmagomedowyň rekordyny täzeledi. UFC-niň taryhynda iň uzak ýeňişli tapgyr braziliýaly Anderson Silwa (16) degişlidir, ikinji orunda nigeriýaly Kamaru Usman (15) ýerleşýär.
Mundan başga-da, Mahaçew dördünji titul söweşinde ýeňiş gazanyp, UFC-niň ýeňil diwizionynda Nurmagomedowyň, Benson Hendersonyň we Bi Jeý Penniň üstünliklerini gaýtalady.
Islam 2022-nji ýylyň oktýabr aýynda braziliýaly Çarlz Oliweýrany ýeňip, guşagyň eýesi boldy. Şol söweşden soň awstraliýaly Aleksandr Wolkanowski bilen geçirilen söweşlerde guşagyny iki gezek gorady.
Mahaçewiň hasabynda garyşyk başa-baş söweşlerde bir ýeňliş bilen 26 ýeňiş bar. 35 ýaşly Porýeniň hasabynda 30 ýeňiş, dokuz ýeňliş bar, bir söweş hem geçirilmedik diýlip yglan edildi. Ol ýeňil agramda çempion guşagy ugrundaky göreşde üçünji ýeňlişine sezewar boldy.
