Pyrtykalyň ýetmezçiligi sebäpli miwe şiresini öndürijiler mandarinlere geçmegi meýilleşdirýärler diýip, Financial Times habar berýär.
Ýaramaz howa şertleri we pyrtykallaryň iň köp eksportçysy bolan Braziliýada hasylyň bir böleginiň ýitmegi, konsentrirlenen pyrtykal şiresiniň bahasynyň ýokarlanmagyna sebäp boldy. Geçen ýyl bilen deňeşdirilende baha iki esse köpeldi.
Halkara miwe we gök önüm şireleri birleşiginiň prezidenti Kis Kuls, pudagyň hakyky çökgünlige duçar bolandygyny aýtdy. Taýýar önümleriň bahasynyň ýokarlanmagyny we pyrtykal şiresiniň önümçiliginde düýpli üýtgeşmeleri çaklady.
Bu nukdaýnazardan öndürijiler alternatiw wariantlary gözlemäge mejbur bolýarlar. Çözgütleriň biri hökmünde, howanyň üýtgemegine has çydamly mandarinlerden şire öndürmek bolup biler.
Hünärmenler mandarin şiresiniň tagamynyň pyrtykal şiresinden tapawutly boljakdygyny belläp geçýärler, ýöne dogry resept we marketing bilen önüm sarp edijisini tapyp biler.
