Ledi Gaga Rio-de-Žaneýrodaky Kopakabana kenarynda mugt konsert gurnar. Bu barada aýdymçy sosial ulgamlarda habar berip, Braziliýada çykyş etmek çakylygyny “uly hormat” diýip atlandyrdy. Konsert 3-nji maýda geçiriler.
Gaga köp ýyl bäri Rioda aýdym aýtmagy arzuw edendigini, ýöne öň saglyk ýagdaýy sebäpli çykyş edip bilmändigini ýatlap geçdi.
“Men çykyş edesim gelip, janym çykyp barýardy, haçan-da hassahana ýerleşmegim sebäpli şüweleňi ýatyrmaly bolanymda, diýseň gynandym. Siziň düşünmegiňiz meniň üçin köp zady aňladýardy” – diýip, ol ýazdy.
Aýdymçy häzir özüni gowy duýýandygyny aýdyp, konsertiň ýatdan çykmajak bolmagyna wada berdi.
“Men bu şüweleňiň siziň hiç haçan ýatdan çykarmajak konsertiňize öwrülmegi üçin yhlasly işleýärin” – diýip, Ledi Gaga belledi.
2017-nji ýylda Ledi Gaga myşsalarda we bogunlarda güýçli agyrynyň döremegine getirýän hroniki kesel fibromialgiýanyň güýçlenmegi sebäpli Joanne World Tour konsert syýahatyny bes etmäge mejbur boldy. Şonda ol Rioda Rock in Rio festiwalyndaky çykyşyny ýatyrdy, bu hem onuň üçin gynandyryjy waka boldy. Häzirki konsert onuň gaýdyp gelmegini alamatlandyryp, braziliýaly muşdaklar üçin özboluşly bir sowgat bolar.
