Ýeňil diwizionda UFC-niň öňki wagtlaýyn çempiony Toni Fergýuson indiki söweşini amerikaly Maýkl Kýeza garşy geçirer. Söweş 3-nji awgustda Abu-Dabidäki (BAE) UFC Fight Night ýaryşynda bolar. Bu barada Dana Uaýt öz sosial ulgamlarynda habar berdi.
Ýatlap geçsek, Toni Fergýuson 2023-nji ýylyň dekabr aýynda UFC 296 ýaryşynda geçirilen soňky söweşinde angliýaly Peddi Pimblett bilen duşuşypdy. Söweş emin agzalarynyň biragyzdan karary netijesinde Pimblettiň ýeňiş gazanmagy bilen tamamlandy. Fergýuson üçin bu ýeňliş yzygider ýedinji ýeňliş boldy. Toniniň hasabynda 26 ýeňiş we 10 ýeňliş bar.
Öz gezeginde, Maýkl Kýeza soňky söweşinde UFC 291 ýaryşynda Kewin Holland bilen duşuşdy. Söweş 2023-nji ýylyň iýul aýynda bolup, Kewiniň birinji raundda demikdiriji usul arkaly ýeňmegi bilen tamamlandy.
