BSGG ählumumy howplara garşy göreşmek üçin 11,1 milliard dollarlyk strategiýany kabul etdi

  • 29.05.2024 23:10
  • 4.8k+

Ženewada geçirilen 77-nji Bütindünýä saglygy goraýyş assambleýasyna gatnaşyjylar 11,1 milliard dollarlyk býujetli 2025-2028-nji ýyllar üçin Hereketleriň strategiýasyny tassykladylar. Strategiýa “howanyň üýtgemegine, garramaklyga, migrasiýa, pandemiýa howplaryna we deňlige has-da üns bermek bilen”, ähli adamlaryň saglygyny we abadançylygyny  goramaklyga gönükdirilendir – diýip, TASS habar berýär.

BSGG-niň baş edarasy bu strategiýanyň “çalt üýtgeýän geosyýasata, ylma we tehnologiýa” uýgunlaşdyrylandygyny aýtdy. Ol alty sany strategiki maksady öz içine alýar:

  • · Howanyň üýtgemeginiň barha artýan howpuna jogap bermek;
  • · Ähli ugurlaryň syýasatynda saglygyň ýaramazlaşmagynyň düýp sebäplerini nazara almak;
  • · Deslapky medisina-arassaçylyk kömegini ösdürmek;
  • · Ilatyň lukmançylyk hyzmatlary bilen gurşalyş derejesini ýokarlandyrmak;
  • · Saglyk üçin töwekgelçilikleriň öňüni almak we azaltmak;
  • · Saglyk goraýyş ulgamynda adatdan daşary ýagdaýlara çalt jogap bermek.

Şeýle hem BSGG-niň çäklerinde inçekeseli we poliomiýeliti ýok etmek strategiýasyna, ünsden düşen tropiki kesellere garşy göreşiň ýol kartasyna, howanyň üýtgeýän şertlerinde saglygy goramak boýunça çärelere we beýleki möhüm meselelere serediler. Pandemiýanyň öňüni almak baradaky 2021-nji ýyldan bäri işlenip düzülýän şertnama aýratyn üns berler.
BSGG-niň 27-nji maýdan 1-nji iýuna çenli dowam edýän esasy ýyllyk forumyna guramanyň 194 agza döwletinden wekiller çagyryldy.
Türkmenistanyň wekiliýetiniň Assambleýanyň 77-nji mejlisine gatnaşmagy baradaky meselä owal Türkmenistanyň BMG-niň Ženewadaky wekilhanasynyň ýanyndaky hemişelik wekili Wepa Hajyýew bilen BSGG-niň baş müdiri Tedros Adhanom Gebreýesusyň arasynda geçirilen gepleşiklerde ylalaşylypdy.


düýn 19:16
2.4k+

Synaglar kofeniň gujur berijiliginiň diňe kofein bilen bagly däldigini subut etdi

Psihologlar kofeniň, hakykatdanam, düzüminde kofein bolany üçin gujur beriji häsiýete eýemi ýa dälmi anyklamak üçin synag geçirdiler. Netijeler kofeni içýän adamyň özüni duýşuna bu içginiň diňe bir düzümi täsir etmän, eýsem, ony duýşuň we lezzet bilen içmek däbiniň hem täsir edýändigini görkezdi diýip, Heliyon žurnalynda çap bolan barlagda aýdylýar...

30.05.2025 16:54
4.9k+

Russiýada glaukoma operasiýalary üçin dünýäde ilkinji mikrostent döredildi

Russiýada glaukomany hirurgiki bejermek üçin dünýäde ilkinji mikrostent döredildi. Bu barada Russiýanyň Ylymlar akademiýasynyň (RYA) prezidenti Gennadiý Krasnikow 28-30-njy maý aralygynda Moskwada geçirilýän RYA-nyň umumy ýygnagynda mälim etdi...

26.05.2025 23:21
2.9k+

Türkmenistanyň saglygy goraýyş ministri BSGG-niň Baş müdirine Aşgabatdaky foruma çakylygy gowşurdy

Türkmenistanyň saglygy goraýyş we derman senagaty ministri Myrat Mämmedow Bütindünýä saglygy goraýyş assambleýasynyň Ženewada geçirilen 78-nji mejlisine gatnaşdy. Bu barada Türkmenistanyň DIM-niň metbugat gullugy habar berýär...

26.05.2025 16:58
6.3k+

Seýrek keselli bäbegi özüne ýöriteläp döredilen derman serişdesi bilen halas etdiler

ABŞ-da gaty seýrek genetiki bozulmasy bolan çaga halas edildi. Alymlar onuň DNK-syndaky ýalňyşlygy düzedýän dermany işläp taýýarladylar. Bu diňe bir näsag üçin ýöriteläp derman döredilen ilkinji ýagdaýdyr diýip, “Bereg” neşiri ýazýar...