13-nji maýda BMG-niň Ženewadaky wekilhanasynyň ýanyndaky Türkmenistanyň hemişelik wekili Wepa Hajiýew Bütindünýä saglygy goraýyş guramasynyň baş sekretary Tedros Adhanom Gebreýesus bilen duşuşdy.
Duşuşygyň barşynda taraplar hyzmatdaşlygyň ileri tutulýan meselelerini we geljegini maslahatlaşdylar. Şu ugurlara aýratyn üns berildi:
- Jemgyýetçilik saglygy we öňüni alyş ulgamyny gurnamak;
- Arassaçylyk gözükdirmesi;
- Sagdyn durmuş ýörelgelerini we sorty wagyz etmek;
- Ýokanç däl keselleriň öňüni almak we irki döwürde ýüze çykarmak;
- Ilat arasynda maglumatlary ýaýratmak işini geçirmek.
Şeýle hem taraplar 27-nji maýdan 1-nji iýun aralygynda türkmen wekiliýetiniň Bütindünýä saglygy goraýyş assambleýasynyň 77-nji mejlisine gatnaşmak meselesine degip geçdiler.
Ýokanç däl keselleriň öňüni almak we olara garşy göreşmek boýunça Aşgabat Jarnamasynyň 10 ýyllygyna bagyşlanyp, ýokanç däl kesellere garşy göreşmek boýunça 2024-nji ýylyň dekabrynda ýokary derejedäki forum ara alnyp maslahatlaşyldy. Taraplar foruma BSGG-niň baş sekretarynyň gatnaşmak mümkinçiligine garadylar.
