Germaniýanyň Geýdelberg uniwersitet klinikasynyň professory Arianeb Mehrabi türkmen kärdeşleri bilen tejribe alyşmak üçin Türkmenistanda iş saparynda bolýar.
Dünýä belli klinikanyň lukmany Arkadag şäheriniň köpugurly hassahanasyna baryp gördi we ol ýerde böwregi transplantasiýa edilen näsaglary lukmançylyk barlagyndan geçirdi.
Professor Mehrabi bejeriş edarasynyň enjamlaşdyrylyşyna ýokary baha berdi. Nemes hünärmeni Arkadagdaky ähli lukmançylyk edaralarynyň öňdebaryjy tehnologiýalary ulanýandygyny we ilata edilýän lukmançylyk hyzmatlarynyň hiliniň ýokary dünýä standartlaryna doly laýyk gelýändigini belledi.
